Nga 29 janari deri më 4 shkurt 2026, Teatri i Qytetit të Lubjanës (TQL) për herë të pestë është nikoqir i festivalit rajonal RUTA, i cili që nga viti 2019 bashkon gjashtë shtëpi teatrore nga rajoni. Në skenën e festivalit do të performojnë Teatri Dramatik – Shkup, Teatri i Vogël 55 – Sarajevë, Teatri Dramatik i Beogradit, Teatri “Ulis” – Zagreb, Qendra për Kulturë Tivat dhe MGL.
Teatri Dramatik – Shkup do të shfaqë koproduksionin “Jeta e plejbojëve provincialë pas Luftës së Dytë Botërore ose të huajën e duam – tonën nuk e japim” si dhe monodramën “Karmen”. Në koproduksion marrin pjesë aktorë nga katër shtëpi teatrore të rajonit; premiera u mbajt në gusht të vitit të kaluar dhe tashmë ka 11 shfaqje. Monodrama “Karmen” e Biljana Dragiçeviq-Projkovska deri më tani ka 47 shfaqje dhe ka marrë pjesë në disa festivale ndërkombëtare.
Pas shfaqjeve do të zhvillohen biseda me artistët, të udhëhequra nga dramaturgët Petra Pogorevc dhe Nina Kuclar-Stikoviq. Qëllimi kryesor i festivalit është forcimi i lidhjeve kulturore, kapërcimi i kufijve kombëtarë dhe nxitja e bashkëpunimeve të reja artistike.
