Mbrëmë, në kuadër të shënimit të 80-vjetorit të Teatrit Dramatik të Shkupit, u shfaq komedia “Terapia e Mrekullueshme” në amfiteatrin pas Shtëpisë Përkujtimore të Nënë Terezës.
Para një publiku të shumtë, ekipi i aktorëve solli një mbrëmje të mbushur me humor, replika të mprehta dhe situata në të cilat shumëkush e gjeti veten. Shfaqja rikujtoi edhe një herë se garat më sfiduese të jetës shpesh janë ato që zhvillohen brenda familjes dhe shtëpisë.
Ngjarja ishte pjesë e programit jubilar të Teatrit Dramatik të Shkupit dhe tërhoqi një numër të madh dashamirësish të artit teatror, të cilët shijuan atmosferën e shkëlqyer dhe interpretimet e aktorëve.
