Mbrëmja Austriake në kuadër të festivalit “Vera e Ohrit” do të mbahet sonte me koncertin e duetit pianistik Dennis Russell Davies dhe Maki Namekawa. Koncerti do të zhvillohet në kishën “Shën Sofia”, me fillim në ora 21:00, me mbështetjen e Ambasadës së Austrisë.
Dueti pianistik me famë botërore do të interpretojë një program me vepra të autorëve bashkëkohorë dhe klasikë, duke vazhduar karrierën e tyre të suksesshme ndërkombëtare, e cila i ka çuar në festivale prestigjioze dhe skena koncertale në mbarë Evropën dhe Shtetet e Bashkuara.
Përveç paraqitjeve të përbashkëta, të dy artistët njihen edhe për karrierat e tyre të suksesshme individuale, përkatësisht si pianiste dhe dirigjent.
