Ministri i Kulturës dhe Turizmit, Sedat Sulejmani, dhe zëvendëskryeministrja e Republikës Sllovake dhe ministrja e Kulturës, Martina Shimkoviçova, e cila po qëndron për vizitë zyrtare në vend, vizituan disa institucione kulturore në Shkup, ku u njohën me trashëgiminë e pasur kulturore dhe historike të Maqedonisë së Veriut.
Vizita ishte mundësi për forcimin e mëtejshëm të lidhjeve kulturore ndërmjet dy vendeve, si dhe për hapjen e perspektivave të reja për bashkëpunim institucional dhe shkëmbim kulturor.
Në kuadër të vizitës, ministrat zhvilluan bisedime edhe me drejtuesit e Ansamblit Nacional të Valleve dhe Këngëve Popullore “Tanec” dhe Ansamblit Nacional të Këngëve dhe Valleve Popullore Shqiptare, ku u shqyrtuan mundësitë për vendosjen e bashkëpunimit dhe realizimin e aktiviteteve të përbashkëta me institucionet përkatëse në Sllovaki.
Kjo vizitë është pjesë e përpjekjeve për thellimin e bashkëpunimit kulturor ndërmjet Maqedonisë së Veriut dhe Sllovakisë, i cili u forcua më tej me nënshkrimin e Marrëveshjes së re për bashkëpunim në fushën e kulturës.
