Në Bibliotekën Nacionale dhe Universitare “Shën Kliment Ohridski” – Shkup, sot u hap salla e re e leximit multimedial dhe u mbajt promovimi i botimeve fototipike nga edicioni “BNU për gjuhën maqedonase”.
Ministri i Kulturës dhe Turizmit, Zoran Llutkov, në fjalën e tij para të pranishmëve theksoi se ky është një kapitull i rëndësishëm për bibliotekën:
“Hapja e sallës së re multimediale në BNU ‘Shën Kliment Ohridski’ dhe promovimi i botimeve të edicionit fototipik ‘BNU për gjuhën maqedonase’ është një kujtesë se e ardhmja mund të ndërtohet vetëm mbi themele të shëndosha. Këto botime janë dëshmitarë të gjallë të zhvillimit të gjuhës sonë, respekt ndaj rrënjëve të saj dhe detyrim për të ruajtur dinjitetin e saj”, tha Llutkov.
Ai shtoi se hapja e sallës është një hap drejt një biblioteke moderne që ecën me kohën, që hapet ndaj gjeneratave të reja të lexuesve, studiuesve dhe krijuesve. Një hapësirë që u ofron të rinjve mjete për kërkim dhe të rriturve një vend të qetë për shoqërim me librin, për paqe dhe reflektim.
Duke u ndalur te botimet fototipike, ministri shtoi se ato kanë rëndësi të veçantë për ruajtjen e pasurisë gjuhësore:
“Në një kohë kur fjala shpesh humbet në shpejtësinë e përditshmërisë, këto vepra na thërrasin të kthehemi te thelbi: gjuha është shtëpia e kujtesës sonë kolektive. Këto botime janë dëshmitarë të gjallë të zhvillimit të gjuhës sonë, respekt ndaj rrënjëve të saj dhe detyrim për të ruajtur dinjitetin e saj. Në një kohë kur fjala shpesh humbet në shpejtësinë e përditshmërisë, këto vepra na thërrasin të kthehemi te thelbi: gjuha është shtëpia e kujtesës sonë kolektive”, tha Llutkov.
