Ministri i Kulturës dhe Turizmit, Sedat Sulejmani, realizoi takim me drejtoreshën e Inspektoratit për Përdorimin e Gjuhës Standarde Maqedonase, Mençe Andreeva.
Inspektorati filloi me punë në korrik të vitit 2025, si organ në përbërje të Ministrisë së Kulturës dhe Turizmit.
Në takim u shqyrtuan aktivitetet aktuale dhe të planifikuara të institucionit, me theks të veçantë në mbrojtjen dhe avancimin e përdorimit të drejtë të gjuhës standarde maqedonase.
Ministria e Kulturës dhe Turizmit do të vazhdojë ta mbështesë punën e Inspektoratit, me qëllim funksionimin e tij të plotë dhe efikas, si dhe zbatimin konsekuent të kompetencave ligjore.
