Sot, në ambientet e Ministrisë së Kulturës dhe Turizmit, ministri Sedat Sulejmani realizoi takim me kryetarin e SHASHK-ut, Jakim Nedellkov.
Në takim u diskutua për çështje që lidhen me të drejtat, kushtet e punës dhe statusin e të punësuarve në institucionet e kulturës, si dhe për sfidat me të cilat ata përballen gjatë ushtrimit të detyrave të tyre.
Një nga temat e diskutimit ishte edhe grupi i punës për Ligjin për Kulturën, në të cilin SHASHK-u do të marrë pjesë në mënyrë aktive dhe të drejtpërdrejtë, me qëllim që zgjidhjet e reja ligjore të pasqyrojnë nevojat reale dhe të drejtat e të punësuarve në kulturë.
Ministri Sulejmani theksoi rëndësinë e dialogut me përfaqësuesit e sindikatave dhe bashkëpunimit institucional në gjetjen e zgjidhjeve të qëndrueshme për çështjet që prekin të punësuarit në kulturë.
Ai theksoi se mbetet i hapur për dialog konstruktiv me SHASHK-un dhe për çdo iniciativë që kontribuon në përmirësimin e kushteve të punës dhe avancimin e të drejtave të të punësuarve në kulturë.