Ministri i Kulturës dhe Turizmit, Zoran Llutkov, sot në Shën Nikollë e hapi Festivalin Ndërkombëtar të Folklorit Autentik “Todorica” 2026.
Në fjalimin e tij para të pranishmëve, Llutkov theksoi se ky manifestim është simbol i rëndësishëm i forcës shpirtërore, kujtesës kulturore dhe identitetit të popujve.
“Folklori nuk është vetëm këngë apo valle, por gjuhë e gjallë e traditës, në të cilën janë të gdhendura historia dhe mençuria e të parëve”, tha ministri.
Ai shtoi se festivali përfaqëson një urë mes gjeneratave dhe popujve, duke theksuar se ndryshimet kulturore nuk ndajnë, por pasurojnë. Sipas tij, ngjarje të tilla forcojnë bashkëpunimin dhe miqësinë dhe kontribuojnë në afirmimin e vendit si hapësirë me trashëgimi të pasur kulturore.
Llutkov theksoi se Ministria e Kulturës dhe Turizmit do të vazhdojë edhe në të ardhmen të mbështesë manifestimet që kultivojnë traditën autentike dhe i nxisin të rinjtë të ruajnë rrënjët e tyre.
