Ministri i Kulturës dhe Turizmit, Zoran Llutkov, sot së bashku me kryeministrin Hristijan Mickoski dhe kryetarin e Komunës së Aerodromit, Dejan Mitevski, kryen inspektim të realizimit të fazës së parë të rinovimit të qendrës multifunksionale në Komunën e Aerodromit.
Projekti mbështetet përmes dotacioneve kapitale për projektet infrastrukturore në kulturë për vitin 2025, për të cilat janë ndarë 99 milionë denarë.
„Sipas marrëveshjes së nënshkruar në korrik të këtij viti, për fazën e parë janë siguruar 21.544.640 denarë, ndërsa mjetet e mbetura janë planifikuar për vitet 2026 dhe 2027. Rikonstruksioni i këtij hapësiri, i cili për shumë vite ishte i lënë pas dore, po zhvillohet sipas planit, dhe pas përfundimit, qendra do të bëhet një bërthamë e re kulturore e komunës dhe do ta pasurojë ndjeshëm jetën kulturore të banorëve“, tha ministri Llutkov.
Ministri Llutkov theksoi se shteti po investon në mënyrë strategjike në infrastrukturën kulturore në mbarë vendin.
„Rikonstruksioni i kësaj qendre është pjesë e strategjisë më të gjerë për zhvillim të barabartë kulturor. Ministria e Kulturës dhe Turizmit deri më tani ka nënshkruar rreth 20 marrëveshje me komuna në mbarë vendin për ndërtimin e qendrave multifunksionale, disa prej të cilave janë në kryeqytet, me rol të rëndësishëm edhe në përgatitjet për projektin Shkup – Kryeqyteti Evropian i Kulturës 2028“, tha Llutkov.
