Në ceremoninë e këtij viti të Çmimeve teatrale ASKEER në Bullgari, shfaqja “Pa gjak”, bashkëprodhim i Teatrit të dramës nga Plovdivi dhe Teatrit “Jordan Haxhi Konstantinov- Xhinot” nga Velesi, fitoi çmimin për shfaqjen më të mirë të teatrit profesionist në Bullgari.
Diana Dobreva u shpërblye për regjinë më të mirë, ndërsa Rade Vasilev dhe Elena Vangellovska morën çmimin për kostumografinë më të mirë. Kompozitorët Sasko Kostov dhe Javor Karagitliev u nominuan në kategorinë e muzikës origjinale të teatrit, ndërsa Valentin Svetozarov për skenografinë më të mirë. Çmimet “ASKEER” ndahen që nga viti 1991. Në shfaqjen e bazuar në tekstin e Aleksandar Barikos marrin pjesë aktorët nga Teatri i Velesit, Vasil Zafirçev, Keti Borisovska, Isidor Jovanoski dhe Filip Hristovski.