Në Qendrën Kulturore-Informative të Maqedonisë në Sofje sonte në orën 18:30 do të promovohet libri „Pantomima qiellore“ i poetit, eseistit dhe profesorit Zoran Ançevski, i përkthyer në gjuhën bullgare nga Roman Kisjov. Me këtë libër, Ançevski për herë të parë prezantohet para lexuesve bullgarë.
Botimi është mbështetur nga rrjeti ndërkombëtar letrar TRADUKI. Në prani të autorit Ançevski, librin do ta promovojnë drejtori i QIK në Sofje, Zoran Pejkovski, poetët maqedonas Sande Stojçevski dhe Vesna Acevska, përgatitësi dhe përkthyesi i librit Roman Kisjov, si dhe Martin Hristov – drejtues i shtëpisë botuese bullgare „Ergo“.