Me ftesë të ChinaSPAF 2025 dhe „Network of Silk Road Arts Festivals“, "Xhez fabrika festival" dhe Teatri Kombëtar i Manastirit janë të vetmit që përfaqësojnë Maqedoninë në Festivalin e 24-të Ndërkombëtar të Arteve në Shangai, Kinë, si pjesë e konferencës së 5-të vjetore. Si një nga festivalet më me ndikim të këtij lloji në Kinë, CSIAF është festival vjetor njëmujor që mbahet në Shangai që nga viti 1999. Festivali, i cili zhvillohet nga mesi i tetorit deri në mesin e nëntorit të çdo viti, përfshin artet interpretuese, vizuale, muzikën, vallëzimin, etj.
Prania e "Xhez fabrika festival" dhe Teatrit Kombëtar të Manastirit ofron mundësi të shkëlqyer për artistët dhe profesionistët e arteve dhe mediave nga ky sektor në të gjithë botën për të mësuar më shumë rreth skenës kulturore të Maqedonisë. Në të njëjtën kohë, kjo pjesëmarrje forcon shkëmbimin kulturor global përmes bashkëpunimit, të mësuarit të ndërsjellë dhe ndarjes së përvojave.
