Orkestra Kombëtare e Xhazit do të mbajë koncert së bashku me ansamblin e harkorëve të Operës dhe Baletit Kombëtar më 30 janar në orën 20:00, në skenën e Filarmonisë së Maqedonisë. Ky do të jetë hapja zyrtare e sezonit koncertal 2026. Në këtë bashkim të rrallë dhe të formësuar me kujdes, tingulli orkestral zgjerohet dhe thellohet, duke krijuar dimension të ri tingullor.
Nën dirigjimin e maestros Xhijan Emin, do të interpretohen kompozime autoriale të Trajçe Vellkovit, Gordan Spasovskit, Zoran Kostadinovskit, Xhijan Emin, Goce Stevkovskit, Sashko Nikollovskit dhe Georgi Shareskit. Si solistë do të performojnë Kirill Kuzmanov në saksofon dhe flautë si dhe Bojan Cvetkoviq në piano.
I ftuar i mbrëmjes do të jetë Georgi Shareski, kitarist dhe kompozitor, shprehja dhe sensibiliteti muzikor i të cilit përshtaten natyrshëm me karakterin tingullor të kësaj tërësie koncertale.
Me këtë koncert, Orkestra Kombëtare e Xhazit nis sezonin e ri koncertal.