Më 8 shtator 2026 do të mbahet Sesioni për Lidhjen e Partnerëve (MatchmakingSession) për projekte ndërkombëtare me biblioteka.
Afati i fundit për dorëzimin e propozimeve të projekteve është 23 gusht 2026.
Zyrat e Evropës Kreative (Creative Europe Desks) organizojnë sesion online për lidhjen e partnerëve më 8 shtator 2026, nga ora 13:00 deri në 15:00, dedikuar krijimit të partneriteteve për projekte ndërkombëtare në të cilat bibliotekat kanë rol qendror.
Nisma u dedikohet bibliotekave, organizatave joqeveritare, institucioneve kulturore, organizatave nga fusha e artit, sektorit të librit dhe botimeve si dhe të gjithë profesionistëve të interesuar për zhvillimin e projekteve evropiane në partneritet me bibliotekat dhe për aplikim në kuadër të programit Evropa Kreative.
Gjatë sesionit, pjesëmarrësit do të kenë mundësinë të prezantojnë ide projekti ose të regjistrohen si vëzhgues, me mundësi për t'iu bashkuar partneriteteve të ardhshme ndërkombëtare. Ngjarja synon të rrisë ndërgjegjësimin për mundësitë e financimit evropian, të mbështesë zhvillimin e projekteve të përbashkëta, të lehtësojë gjetjen e partnerëve nga vende të ndryshme dhe të forcojë rrjetet e bashkëpunimit ndërkombëtar.
Të interesuarit për të dorëzuar propozim projekti duhet ta paraqesin aplikimin e tyre më së voni deri më 23 gusht 2026. Maksimumi shtatë projekte do të përzgjidhen për prezantim të drejtpërdrejtë gjatë sesionit online, ndërsa kandidatët e përzgjedhur do të njoftohen deri më 31 gusht 2026.
Nëse ndonjë projekt nuk përzgjidhet për prezantim, me pëlqimin e propozuesve, ai mund të përfshihet në bazë publike të të dhënave, së bashku me informacionet e kontaktit të pjesëmarrësve, me qëllim lehtësimin e krijimit të partneriteteve të ardhshme.
Regjistrimi për prezantuesit e ideve të projekteve është i disponueshëm në këtë lidhje:
Bibliotekat duhet të përbëjnë elementin qendror në të gjitha propozimet e paraqitura, pasi qëllimi i nismës është të forcojë rolin e tyre në bashkëpunimin kulturor evropian dhe në zhvillimin e projekteve të mbështetura nga programi Evropa Kreative.
Pjesëmarrësit që dëshirojnë të marrin pjesë në sesion si vëzhgues mund të regjistrohen për të ndjekur prezantimet, për t'u njohur me partnerë të mundshëm dhe për të krijuar kontakte të reja ndërkombëtare.
Regjistrimi për vëzhguesit është i disponueshëm në këtë lidhje:
Për më shumë informacione, mund të kontaktoni Zyrën e Evropës Kreative – Nënprogrami Kultura në adresat elektronike: biljana.prentoska@ced.mk и lidija.pаjevikj@ced.mk
