Sonte, në orën 19:00, në hapësirat e Qendrës Kulturore Informative Maqedonase në Beograd, në rrugën “Makedonska 30”, do të hapet ekspozita “Dokumente arkivore” e artistes së njohur figurative maqedonase, Zhaneta Vangeli.
Ky koncept artistik realizohet në bashkëpunim me Galerinë Kombëtare të Maqedonisë nga Shkupi, e përfaqësuar nga kuratorja e ekspozitës, Maja Krstevska, e cila së bashku me drejtorin e QIKM, Vasko Shutarov, do ta hapin ekspozitën para publikut të Beogradit.
Ekspozita “Dokumente arkivore” është prezantimi i parë solo i Vangelit para publikut serb dhe përmban 41 vepra në teknikën print mbi pleksiglas, si dhe materiale audio. Ky projekt mbështetet nga Ministria e Kulturës dhe Turizmit, ndërsa publiku në Beograd do të mund ta vizitojë deri më 6 maj.