Në Sallën e Ekspozitave të Qendrës Kombëtare të Kulturës „Trajko Prokopiev“ në Kumanovë, nesër në orën 19:00 do të hapet ekspozita grupore e arteve pamore „MOTUS ART 2026“, e organizuar nga Shoqata për promovimin e vlerave intelektuale, multikulturore dhe sportive MOTUS.
Në ekspozitë do të prezantohen rreth 30 vepra nga 12 autorë maqedonas, të realizuara në teknikat vaj dhe akrilik në pëlhurë, si dhe akuarel.
Përmes qasjeve të ndryshme autoriale dhe shprehjeve artistike, ekspozita synon të promovojë artin bashkëkohor maqedonas dhe të kontribuojë në afirmimin e artistëve vendas.
„MOTUS ART 2026“ është ekspozita e parë grupore e arteve pamore e organizuar nga kjo shoqatë, ndërsa realizimi i saj është mbështetur financiarisht nga Komuna e Kumanovës përmes Programit Vjetor për Kulturë.
