Letërsia maqedonase edhe këtë vit do të prezantohet në Panairin e Librit në Frankfurt, i cili do të mbahet nga 7 deri më 11 tetor. Asociacioni Maqedonas i Botuesve (AMB) do të marrë pjesë me një stendë kombëtare, ku do të prezantohen letërsia bashkëkohore maqedonase dhe letërsia për fëmijë, me fokus në mundësitë për përkthimin dhe botimin e autorëve maqedonas jashtë vendit.
AMB-ja vazhdon konceptin „Lexo në 7/8“, përmes të cilit letërsia maqedonase prezantohet si një letërsi me ritmin e vet dhe me një zë të dallueshëm. Në panair do të promovohen edhe mundësitë për mbështetje financiare të përkthimeve përmes konkursit aktual të Ministrisë së Kulturës dhe Turizmit.
Prezantimi kombëtar i letërsisë maqedonase realizohet me mbështetjen e Ministrisë së Kulturës dhe Turizmit.
