Në hapsirën multimediale të IN Shtëpia Përkujtimore e Nënë Terezës sot në ora 18:00 do të hapet „Ekspozitë retrospektive e fotografive“ si pjesë e manifestimit „Ditët e Nënë Terezës“.
Me realizimin e manifestimit, IN Shtëpia Përkujtimore e Nënë Terezës nga sot ( 26 gusht) deri më 5 shtator do të shënojë 112 vjetorin e lindjes dhe 25 vjetori nga vdekja e të shenjtës Nënë Tereza.
Në suaza të programit të manifestimit do të shfaqen filmat dokumentarë për Nënë Terezën: „Sipas veprimeve të Nënë Terezës“,„Vizitat e Nënë Terezës në Shkup“,„Diçka të bukur për Zotin“ etj. Do të realizohen lexime poetike, ndërsa do të mbahet edhe promovimi i librit „Nënë Tereza- shenjtore, bamirëse, misionare“.