Ka ndërruar jetë kompozitori maqedonas dhe autori i muzikës filmike, Ljubomir Brangjolica.
Ljubomir Brangjolica është fenomen unik në kulturën muzikore maqedonase, ndërsa me veprat e tij ai la gjurmë të rëndësishme në muzikën maqedonase. Opusi i tij krijues numëron mbi 450 kompozime – solo, të Odës, simfonike, baletit, muzikale, muzikë filmi etj.
Ljubomir Brangjolica ka lindur më 19 gusht 1932 në Herceg Novi të Malit të Zi dhe rrjedh nga një familje muzikantësh. Shkollimin e mesëm për muzikë e kreu në Rijekë, ku ishte ndër nxënësit më të mirë. Në vitin 1950 filloi punë në Orkestrën e Salloneve në Shtëpinë e APJ-së në Beograd. Me këtë orkestër ai realizoi kompozimin e tij të parë “Intermeco” për solo piano dhe orkestër simfonike. Nga viti 1954 punon në shtëpitë e APJ-së në Kumanovë dhe Shkup. Në vitin 1955 merr çmimin e radiodifuzionit jugosllav për veprën “Rapsodi bashkëkohor”. Më 15 korrik 1956 vepra u shfaq në Teatrin e vjetër maqedonas nën drejtimin e Todor Skallovskit dhe pjesë të pianos – Lladisllav Pallfi. Nga viti 1957 është korrepetitor në balet në Teatrin Nacional të Maqedonisë së Veriut. Në vitin 1959 u shfaq premiera e baletit të tij të parë “Variacionet e Velegradit”. Fillon të kompozojë edhe muzikë teatrale, më shumë në formën muzikale: “Gjumbush”, “Tregimet e Shekspirit”, “Mbreti i zhveshur”, “Patërditë e Selanikut”. Më vonë ai merr statusin e një artisti të pavarur. Në vitin 1967/8 punësohet në Radio Televizionin e Maqedonisë si producent, punëtor muzikor dhe redaktor i Programit Muzikor të Televizionit të Maqedonisë, ku punoi deri në pension.
Brangjolica është autor i cili sipas opusit të veprave të krijuara, llogaritet një ndër autorët më produktiv të skenës muzikore maqedonase. Brangjolica është edhe autori më produktiv i muzikës së baletit në vendin tonë. Ai është krijues që shfaqet pothuajse në të gjitha zhanret muzikore.
Në historinë e muzikës maqedonase, Ljubomir Brangjolica do të mbahet mend si Gershuini maqedonas.