СООПШТЕНИЕ

од admin_kult

Ги поттикнуваме македонските културни оператори и правни лица кои аплицираат на повиците на Креативна Европа во нивните проекти да вклучат и партнери од Украина.

Во согласност со приоритетите на ЕУ, Европската комисија одлучи да додели максимална флексибилност за проектите на Креативна Европа во кои се вклучени украински организации, а дел од буџетот за мобилност на уметниците да биде наменет за поддршка на украинските уметници.

На 4 и 5 април 2022 година, Генералниот директорат за образование, млади, спорт и култура на Европската Унија одржа состанок во Луксембург на кој беше дискутирано за ситуацијата во Украина и за мерките за помош на тамошната културна сцена.

На состанокот беше разгледана можноста за понатамошни заеднички акции за поддршка на културниот, креативниот и аудиовизуелниот сектор како одговор на кризата во Украина. Комесарката Марија Габриел информираше дека над 20 иницијативи се веќе започнати од земјите членки на ЕУ на платформата Creatives Unite.

Можеби ве интересира:

Страницата на Министерството за култура на РС Македонија користи т.н. „колачиња“ со цел да обезбеди подобро корисничко искуство. Прифати Повеќе