Со проекции на германскиот филм „Фабијан“ и на чилеанскиот „Ема“, во Кинотеката денеска продолжува августовската програма.
На програмата до крајот на месецов се и „Планина на смртта“, „Јалда, ноќ за прошка“, „Кадифена кралица“, „Светот по нас“, „Сѐ помина добро“, „Ноќ на кралевите“, „Ѕвезден човек“, „Голема слобода“, „Деца“, „Титан“, „Пот“ и „Мајка“.
На 31 август програмата завршува со Фестивалот на нем и класичен филм во чии рамки ќе биде прикажан црно-белиот култен „Носферату, симфонија на стравот“ од режисерот Фридрих Вилхелм Мурнау.