Дуо Скупи“ – Јета Старова-Мехмети (флејта) и Ермаљ Мехмети (виолина) – на 29 декември ќе реализира онлајн-концерт, кој ќе биде достапен за публиката на веб-страницата на Културно-информативниот центар на Република Северна Македонија во Софија и на Јутјуб.
На програмата се преработки на стари македонски и албански песни и ора, меѓу кои: „Сношти сакав да ти дојдам“, „Касапско оро“, „Цвеќе (Një Lule)“, „Море сокол пие“, „Скопско оро“, „Пајдушко оро“, „Доаѓаат паробродите (Vijnë vaporet)“, како и теми за флејта и виолина. Аранжманите се од виолинистот Ермаљ Мехмети.