На малата сцена во МНТ утре, 30 декември, со почеток во 12:00 часот, премиерно ќе биде одиграна монодрамата „Последната лента на Крап“ од Семјуел Бекет, а во изведба и режија на Ѓорѓи Јолевски. Претставата е копродукциски проект на Македонскиот народен театар и Перипетија продукција од Скопје.
Преводот на текстот од англиски на македонски јазик го направи драматургот Владимир Јанчевски. Сценографијата, дизајнот на плакатот и програмскиот каталог се на Сергеј Светозарев, а костимографијата е на Ивана Каранфиловска-Угуровска.
Билетите се достапни онлајн на следнава веб-адреса: https://mnt.mk/online/index.php?id=438