Македонскиот народен театар во рамки на годинашното 42. издание на манифестација „Скопско лето“ вечерва на големата сцена во МНТ со почеток во 20 часот ќе ја одигра претставата „Отело“ од Вилијам Шекспир, во режија на Нина Николиќ.
Претставата е копродукција меѓу МНТ, БНП, Зеница ― БиХ и Перипетија продукција ― Скопје, а играат актери од двете земји: Енес Салковиќ, Саша Ханџиќ, Дарја Ризова, Ѓорѓи Јолевски, Златан Шкољиќ, Aлександар Ѓорѓиески, Џенана Џаниќ, Тамара Миличевиќ-Стилиќ, Александар Михајловски и Аксел Мехмед.