Отворени повици за поднесување предлог проекти за грантови во рамките на подпрограмата МЕДИА од Програмата Креативна Европа.
- Филмови во движење
Films on the Move (CREA-MEDIA-2025-FILMOVE)
Краен рок за поднесување на предлог-проектите:
17 јули 2025 година 17:00:00 часот (средно европско време)
ЦЕЛ
Повикот „Филмови во движење“ има за цел да поттикне и поддржи поширока дистрибуција на понови не-национални европски филмови, преку охрабрување на агентите за продажба и особено на кинематографските дистрибутери да инвестираат во промоција и соодветна дистрибуција на не-национални европски филмови.
Очекувани резултати:
* Развивање на паневропски стратегии за кино-проекција и/или онлајн дистрибуција на не-национални европски филмови.
* Зголемени инвестиции во кинo- проекција и/или онлајн промоција и дистрибуција на не-национални европски филмови со цел проширување на досегот до публиката.
* Развивање на врски помеѓу продукцискиот и дистрибутивниот сектор, со што се подобрува конкурентската позиција на не-националните европски филмови на глобалниот пазар.
Опис на активностите што ќе бидат финансирани преку повикот за предлог-проекти:
Активностите што ќе бидат финансирани се кампањи за паневропска кино – проекции и/или онлајн дистрибуција на подобни европски филмови, координирани од агентот за продажба на филмот. Апликациите треба да претстават соодветни стратегии за обезбедување поодржлива и поеколошка филмска индустрија, како и за обезбедување родова рамноправност, инклузивност, разновидност и застапеност.
Ве покануваме внимателно да ја прочитате документацијата за повикот, а особено Документот за Повик, Моделот на Договор за Грант и Онлајн Прирачникот на Порталот за Финансирање и Тендери на ЕУ/ EU Funding & Tenders Portal https://ec.europa.eu/info/funding-tenders/opportunities/portal/screen/opportunities/topic-details/CREA-MEDIA-2025-FILMOVE
https://ec.europa.eu/info/funding-tenders/opportunities/docs/2021-2027/common/guidance/om_en.pdf
Повеќе информации за критериумите и за начинот на поднесување на предлог – проект може да најдете во документот за повикот Филмови во движење (call document Films on the Move (CREA-MEDIA-2025-FILMOVE)
- Мрежи на европски кина
Networks of European Cinemas (CREA-MEDIA-2025-CINNET)
Краен рок за поднесување на предлог-проектите:
16 јули 2025 година 17:00:00 часот (средно европско време)
ЦЕЛ:
Целта на поддршката е создавање и управување со мрежа на киносали со цел:
- Поттикнување на операторите на киносали да прикажуваат значителен процент на не-национални европски филмови преку стимулации и заеднички проекти;
- Придонес кон зголемување на интересот на публиката за не-национални филмови, вклучително и преку развој на активности наменети за младата кино-публика;
- Помош за киносалите во приспособување на нивната стратегија на променливата средина, вклучително и преку промовирање на иновативни пристапи за привлекување и ангажирање на публика, како и преку партнерства со други оператори од филмската индустрија и со локалните културни институции;
- Поттикнување на размена на добри практики, споделување знаења и други форми на прекугранична соработка меѓу членовите на мрежата;
- Придонес кон политичкиот дијалог за филмската индустрија преку собирање податоци и дисеминација на резултатите од активностите на мрежата и надвор од нејзините членови.
Очекувани резултати:
- Зголемување на публиката за не-национални европски филмови на европскиот пазар;
- Привлекување на нова публика за европските филмови, вклучително и млади љубители на киното;
- Зајакнување и обновување на доживувањето на кино – проекциите како тековно културно искуство;
- Приспособување на деловните практики на европските киносали во насока на одржливост и инклузивност;
- Поттикнување на иновативниот потенцијал на европските киносали преку засилена соработка.
Опис на активностите што ќе бидат финансирани преку повикот за предлог-проекти:
Мрежата на киносали треба да овозможи спроведување на следниве активности:
- Активности за вмрежување: размена на информации, анимација, обука и комуникација со цел зголемување на досегот до публиката и спроведување на иновативни и заеднички акции, вклучително и во области со подрачја со мала застапеност на киносали.
- Обезбедување финансиска поддршка за киносалите учеснички што ќе спроведуваат подобни активности наведени подолу:
• Активности насочени кон промоција и прикажување на европски филмови и зголемување на публиката за не-национални европски филмови, со придонес кон поодржлива и еколошки почитувачка индустрија.
• Иновативни активности насочени кон привлекување на нова публика и зголемување на интересот кај младата кино-публика за европски филмови преку обновување и збогатување на кино-искуството, вклучително и во области каде што кино-инфраструктурата е слабо развиена.
• Искористување на дигиталната трансформација, вклучувајќи онлајн алатки и апликации за податоци.
• Приспособување на деловните практики на европските киносали во насока на одржливост, инклузивност и пристапност.
• Промотивни и маркетинг активности во соработка со други дистрибуциски платформи (на пр., телевизиски радиодифузери, VOD-платформи).
Ве покануваме внимателно да ја прочитате документацијата за повикот, а особено Документот за Повик, Моделот на Договор за Грант и Онлајн Прирачникот на Порталот за Финансирање и Тендери на ЕУ/ EU Funding & Tenders Portal https://ec.europa.eu/info/funding-tenders/opportunities/portal/screen/opportunities/topic-details/CREA-MEDIA-2025-CINNET
https://ec.europa.eu/info/funding-tenders/opportunities/docs/2021-2027/common/guidance/om_en.pdf
Повеќе информации за критериумите и за начинот на поднесување на предлог – проект може да најдете во документот за повикот Мрежи на европски кина (call document Networks of European Cinemas (CREA-MEDIA-2025-CINNET)
- Развој на „мини слејт“
European mini-slate development (CREA-MEDIA-2025-DEVMINISLATE)
Краен рок за поднесување на предлог-проектите:
17 септември 2025 година 17:00:00 часот (средно европско време)
ОБЕМ:
Целта на поддршката за развој на европска мини-слејт е да се поттикне конкурентноста на европските независни продукциски компании и да се зголеми нивната економска тежина на пазарот. Исто така, целта е да се зголеми капацитетот на аудиовизуелните продуценти за развој на проекти со потенцијал да циркулираат низ цела Европа и пошироко, како и да се олесни европската и меѓународната копродукција. Оваа поддршка исто така ќе обезбеди можност за вклучување на нови таленти, овозможувајќи им да режираат краток филм со поддршка на силната основа што ја обезбедуваат искусни компании.
Очекувани резултати
- Посилна позиција на европските и меѓународните пазари за компаниите избрани во рамките на развојот на европски мини-слејт.
- Зголемен квалитет, изводливост, прекуграничен потенцијал и пазарна вредност на поддржаните европски дела.
Опис на активностите што ќе бидат финансирани
Поддршка ќе се доделува на независни европски продукциски компании способни да развијат мини-слејт од 2 до 3 аудиовизуелни дела (играни филмови, анимација, креативен документарен филм). Ова треба да им овозможи на продукциските компании да ги намалат ризиците и да го зголемат нивниот капацитет за да привлечат и задржат таленти.
Развојот на европскиот мини-слејт ќе обезбеди поддршка за развој на најмалку 2 и најмногу 3 дела за комерцијална експлоатација, наменети за прикажување во кино, телевизиско емитување или комерцијална експлоатација на дигитални платформи или мултиплатформска средина во следните категории: анимација, креативен документарен филм или игран филм . Апликантите можат да додадат краток филм од нови таленти во нивната селекција (опционално).
Целта е да се обезбедат средства за аудиовизуелни продукциски компании за развој на дела со висока креативна вредност и културна разновидност и со широк потенцијал за прекугранична експлоатација. Компаниите се охрабруваат да развиваат стратегии за маркетинг и дистрибуција уште од самиот почеток на фазата на развој, со што се подобрува потенцијалот за достапност до публика на европско и меѓународно ниво.
Посебно внимание ќе се посвети на апликациите кои претставуваат соодветни стратегии за обезбедување на поодржлива и поеколошки почитувачка индустрија, како и за обезбедување родова рамноправност, инклузивност, разновидност и застапеност.
Ве покануваме внимателно да ја прочитате документацијата за повикот, а особено Документот за Повик, Моделот на Договор за Грант и Онлајн Прирачникот на Порталот за Финансирање и Тендери на ЕУ/ EU Funding & Tenders Portal
https://ec.europa.eu/info/funding-tenders/opportunities/docs/2021-2027/common/guidance/om_en.pdf
Повеќе информации за критериумите и за начинот на поднесување на предлог – проект може да најдете во документот за повикот Развој на „мини слејт“
(call document European mini-slate development (CREA-MEDIA-2025-DEVMINISLATE)