„Четири годишни времиња“ е наречен концертот на камерниот ансамбл „Консонанс“ што ќе се одржи вечер (11 декември 2024 година) со почеток во 19:00 часот во македонскиот Културно-информативен центар во Истанбул.
На концертот ќе бидат изведени дела од македонските композитори Љ. Чедомирски, Ф. Иванов, Д. Илиевски и М. Виденовиќ. Настанот е посветен на промоцијата на македонската музичка уметност и е одлична можност за истанбулската публика да се запознае со современата македонска музичка сцена.