Во манастирскиот комплекс „Св.Јоаким Осоговски” се одржува 33-та Меѓународна ликовна колонија која го носи името на светецот, на која деветмина уметници во текот на една недела творат на тема „Балкански пријателства”.

Организаторите најавија дека веќе се работи на уредување на програмата за следната година, кога се планира учество на уметници од десет држави, меѓу кои: Грција, Франција, Австрија, Украина, како и други држави од Европа и светот.