Република Северна Македонија ќе учествува во програмата Креативна Европа на ЕУ

од admin_kult

Владата го разгледа и го усвои Извештајот за завршени преговори и за склучување на Договорот меѓу Република Северна Македонија и Европската Унија за учество на Северна Македонија во Креативна Европа (2021 – 2027) и определи амбасадорката на Постојаната мисија на Република Северна Македонија при Европската Унија во Брисел, Агнеза Руси-Поповска, да го потпише Договорот.

Во согласност со Договорот,  нашата земја, преку Министерството за култура, ќе учествува во оваа програма со вкупен износ од 1,14 милиони евра, распределени во седум години, со што стекнува пристап до буџетот на програмата Креативна Европа (2021 – 2027), кој изнесува 2,44 милијарди евра.

Програмата ја препознава културната разновидност како главен приоритет преку кој треба да се одговори на предизвиците со кои денес се соочуваат културниот, креативниот и аудиовизуелниот сектор, а нејзини приоритети се заштита, развој и унапредување на културната и јазичната разновидност и наследство, како и засилување на конкурентноста и на економскиот потенцијал на културните и креативните сектори и на аудиовизуелниот сектор.

Можеби ве интересира:

Страницата на Министерството за култура на РС Македонија користи т.н. „колачиња“ со цел да обезбеди подобро корисничко искуство. Прифати Повеќе