Свечено отворање на Павилјонот на Република Македонија во рамките на 57-то издание на Биеналето во Венеција

Venecija_1

Официјален претставник на Република Македонија на оваа најголема и најзначајна интернационална ревија на уметноста во светот е реномираниот уметник Томе Аџиевски, кој, со поддршка од Министерството за култура, ќе се претстави со проектот „Red carnival“ (Црвен карневал) ...

Министерката за култура Елизабета Канческа-Милевска денеска (11 мај) во просториите на Сале д’Арми (Sale d’Armi), во престижниот изложбен простор Арсенале во Венеција, ќе се обрати на свеченото отворање на Павилјонот на Република Македонија во рамките на 57-то издание на Биеналето во Венеција, една од најстарите и најпрестижни европски манифестации, која за јавноста ќе биде отворена од 13 мај до 26 ноември.

Официјален претставник на Република Македонија на оваа најголема и најзначајна интернационална ревија на уметноста во светот е реномираниот уметник Томе Аџиевски, кој, со поддршка од Министерството за култура, ќе се претстави со проектот „Red carnival“ (Црвен карневал). Комесар на оваа мултимедијална инсталација е Дирекцијата за култура и уметност - Скопје, а куратор е Бранислав Саркањац.

Томе Аџиевски е еден од најеминентите македонски автори, чиешто творештво е автентично но, во исто време и препознатливо во меѓународни рамки. Своите дела ги претставил пред уметничката јавност во Белград, Загреб, Сарaево, Анталија, Грац, Нирнберг, Дрезден, Берлин, Манчестер, Париз, Вашингтон, Њујорк, Сан Франциско,  Лос Анџелес, Венеција, Болцано, Александрија и на многу други места. Неговото творештво е изложено во еминенти галериски простори надвор од границите на нашата држава и тоа во Австрија, Германија и на многу други уметнички точки во светските метрополи.

Венециското биенале, кое има големо значење за промоција на македонската култура и уметност, годинава се одржува под мотото „Viva Arte Viva“. Директор на манифестацијата е светски реномираниот куратор Кристин Масел. На Биеналето својата уметност ќе ја претстават 57 земји од целиот свет преку националните павилјони, а ќе излагаат стотици автори. Република Македонија досега има остварено 11 претставувања на Биеналето во Венеција започнувајќи од 1993 година со проектот на авторите Петре Николовски и Глигор Стефанов.

obrakanje-minister

Фотогалерии

  • 0
  • 1
  • 2

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanecarheoloski-vesnik

exploring-macedonia

macefdrr     

 cultema_logo    msu_logo_mk