Македонија ќе биде земја во фокусот на Саемот на книга во Пула

Министерот за култура на Република Македонија, Роберт Алаѓозовски оствари средба со Магдалена Водопија, директорката на Саемот на книга во Пула, Република Хрватска. Договорено е Македонија да биде земја во фокусот на оваа манифестација со меѓународно реноме, чија тема годинава е „Слобода“....

alagjozovski_vodopija_saem_pula_sredba_4_maaj_2018_foto_1

На средбата со Магдалена Водопија, директорка на Саемот на книга во Пула која деновиве со други хрватски издавачи и автори престојува на Саемот на книга во Скопје, министерот Алаѓозовски ги истакна заложбите за унапредување на меѓународното претставување на авторите и издавачите од Македонија и соработката со книжевната сцена во регионот и Европа.

Ставањето на Македонија во фокус на 24. издание на Саемот на книга во Пула што се одржува на крајот на ноември и почетокот на декември 2018 година ќе биде одлична можност за посодржајно преставување на авторите и издавачите од Македонија пред регионалната и европска публика и фела.

Инаку, како што е најавено и со Националната стратегија во културата за 2018-22 година,  Министерството за култура од оваа година го активира целосно Секторот за книга при Министерството и го презема меѓународното претставување и презентирање на издавачката продукција и литературата од нашата земја, преку концептуално презентирање на автори и дела од Македонија прилагодено на тематските фокуси на саемите, што ќе ги зајакне меѓународните претставувања на македонската книжевност и издаваштво.

alagjozovski_vodopija_saem_pula_sredba_4_maaj_2018_foto_2

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanec

exploring-macedonia