Новости

Годинава поддршка за 69 проекти на креативните индустрии

kreatlvnl_2017

Шеесет и девет проекти од 90 пријавени на Конкурсот за финансирање проекти на креативните индустрии ќе бидат поддржани годинава од Министерството за култура.

- Препознавањето на креативните индустрии и во тој контекст и идентификацијата на економската производствена и профитабилна димензија на културата беше еден од приоритетите на Министерството за култура, кој го зацртавме и во Националната стратегија за развој на културата за периодот 2013-2017 година, изјави на денешната прес-конференција министерката за култура Елизабета Канческа-Милевска.

Оваа стимулативна мерка, како што кажа, во изминатите пет години колку што се реализира овој конкурс, даде големи резултати и понуди широк простор за презентирање на вештината, имагинацијата и талентот на младите креативци во нашата држава, како и нивно соодветно валоризирање на пазарот.

Оваа година на конкурсот се пријавија 90 индивидуалци, граѓански здруженија и други правни субјекти, меѓу кои и здруженија на граѓани чии проекти се наменети за лица со посебни потреби.

Комисијата предложи финансиска поддршка за 69 проекти од областа на графичкиот, индустрискиот и модниот дизајн, како и проекти за дизајн на производ. Ова, како што кажа Канческа-Милевска, се проекти во кои се користат и традиционалните вештини и ресурси и се креираат нови и современи контексти. На листата на поддржани проекти се апликациите на 41 физичко лице и 28 граѓански здруженија и други правни субјекти, од кои четири проекти се наменети за лица со посебни потреби.

- Со денешните резултати вкупниот број на поддржани проекти во овие пет години се заокружува на 283 за кои од буџетот на Министерството за култура се издвоени 25,5 милиони денари, рече министерката за култура.

Според неа, конкурсот за креативни индустрии е само една од мерките кои ги презема Министерството и Владата во изминатиот период во насока на промовирање на знаењето како врвна вредност на општеството и создавање услови за размена и за вреднување на културните добра како придвижувачка сила на економскиот развој.

Осврнувајќи се на досега реализираните едукативни настани, обуки и форуми, како и гостувањата на многу експерти, меѓу кои и на Британскиот совет, Канческа-Милевска посочи и на отворањето на Центарот за дизајн и иновации „Јавна соба“. Во овој Центар од 2015 година се реализирани огромен број тематски креативни работилници, други настани, како и изложби на несекојдневни и уникатни дела создадени од млади креативци кои беа претставени и во повеќе европски земји. Таму се изложени и дела поддржани со Конкурсот за креативни индустрии. 

Претседателот на Комисијата Митко Хаџи Пуља се осврна на повеќедимензионалноста на овој проект посочувајќи на економскиот, социолошкиот и културолошкиот аспект. Размислувајќи како понатаму да се поттикне развој на креативните индустрии, Хаџи Пуља рече дека е потребно образување на граѓаните и на младите за создавање нови производи, но не само во Скопје, туку и во внатрешниста. 

Гордана Вренцовска, член на Комисијата, рече дека на годинашниов конкурс во делот на моден дизајн имало проекти со потемелна димензија и квалитет. Според неа треба да се поттикнат и да се образуваат сите идни апликанти да го следат тој темелен моден пристап.

Меѓу поддржаните проекти во областа на графичкиот дизајн се проектот „Македонски печат“ на Томислав Лошков од Скопје, „Симболи на охридското филигранско“ на Мирјана Николоска од Охрид, проектот „Илустрирана културна историја“ на Центарот за културно наследство „Аксос“. Во областа на индустрискиот дизајн поддржани се проектите „Кожни производи – дизајнирање, изработка и примена“ на Елена Симоновска од Скопје, проектот „Карактерен дизајн“ на Кирчо Стојоски од Охрид и „Геометриски огледала“ на Александар Зарапчиев од Скопје. Во областа на дизајн на производ, Министерството за култура ќе ги поддржи проектите „Традиционална керамика во дизајн на етно кутија“ на Здружението на граѓани „Разбој“ од Велес, „Накитот на дедо ми“ на Здружението „Пеонија“ од Кратово и „Еко дизајн на декоративни предмети: стекнување на вештини на децата и младите со посебни потреби“ на Едукативно креативниот центар „Виножито“ ОД Скопје и „Рачна изработка на кукли и рамки од дрво“ на Здружението „Алегрето“ од Тетово.

Во областа на модниот дизајн ќе бидат поддржани проектите: „Традиционална марама во современ контекст“ на Здружението за култура и развој на креативни индустрии, „КУЛТ-ТРАНЗЕН“ од Струмица, ПРОЕКТОТ Чеиз“ на Јана Манева-Чупоска од Скопје, Модна колекција инспирирана од македонскиот фолклор и македонските народни носии на Ателјето Антонија Ристовска од Скопје и проектот Будење на скопски бисери“ на Интернационалниот институт за мода „Изет Цури“ од Скопје и други проекти.

Антонија Ристовска, која има 20-годишно искуство како моден креатор и дизајнер оваа година првпат се пријавила на овој конкурс. Нејзината женска колекција, како што кажа на прес-конференција, ќе биде инспирирана од македонската носија, но и од емоциите проткаени во тие парчиња облека. Ова за неа претставувало поттик за промоција на културното наследство. Облеката што таа ќе ја дизајнира ќе биде инспирирана со носиите од дебарскиот и гостиварскиот крај, а делови од овие носии ќе бидат аплицирани на материјали коишто таа ги печати во Италија. Моделите ќе бидат рачно доработени со мониста и туфни коишто се дел од македонските носии.

Поддржаните проекти, делата што ќе бидат создадени со нив, ќе бидат претставени на изложба која се организира на крајот од секоја година.

Над сто настани на „Берово – град на културата“, интензивни зафати во „Св. Архангел Михаил“

IMG_38181

Повеќе од сто настани ќе бидат организирани во Берово од средината на март до крајот на годинава во рамките на манифестацијата „Берово – град на културата“ во 2017. Берово ја презеде титулата од Дојран, а денеска по овој повод Општината ја посети министерката за култура Елизабета Канческа-Милевска ...

Повеќе...

Избрани 37 дела на Конкурсот за класична музика

otkup_klaslka_3

Триесет и седум композиции на 21 македонски автор се избрани на Конкурсот на Министерството за култура за откуп на дела од класичната музика за 2016 година.

Се работи за стимулативна мерка воведена во Националната стратегија за развој на културата за периодот 2013-2017 година. Министерката за култура Елизабета Канческа-Милевска на денешната прес-конференција истакна дека и во 2016 година интересот на македонските композитори за овој конкурс бил навистина голем.

- До Министерството за култура беа поднесени вкупно 59 композиции од 36 македонски автори. Од нив стручните комисии составени од реномирани музиколози, изведувачи, диригенти и професори на Факултетот за музичка уметност селектираа 37 композиции од 21 македонски автор - рече Канческа-Милевска.

Таа додаде дека имало три дисквалификувани композиции кои не ги исполнуваат конкурсните услови или немаат исполнето минимум бодови од стручната комисија. За создавањето на овие дела Министерството за култура издвои 4,5 милиони денари. Во категоријата Композиција во чест на Факултетот за музичка уметност, комисијата додели една прва награда: „Твојот пат“ на авторот Живоин Глишиќ.

Во категоријата Музичко-сценска композиција за Ансамблот за народни игри и песни „Танец“, стручната комисија додели една прва награда „Низ Македонија“ на композиторот Тодор Трајчевски. За категоријата Композиција за вокален солист(и) и симфониски оркестар во духот на македонскиот православен обичај Божик, доделени се две први награди - „Догматик“ на Стојан Стојков и „Божиќ е во сите нас“ на Тодор Трајчевски.

otkup_klaslka_2

Во категоријата Композиција за Биг бенд, стручната комисија додели две награди: прва награда за „Let Ring“ на Владимир Николов и втора награда за „M Blues“ на Тони Китановски. Во категоријата Композиција за фиксен медиум, доделени се три награди: прва награда за композицијата на Дарија Андовска, втора за композиторот Кокан Димушевски и трета награда за Андреј Блажевски. Во категоријата Композиција за квинтет, доделени се три награди - прва награда за „Winter game“ на композиторот Ана Пандевска, втора за „Stop watch sonata“ на Фатос Љумани и трета награда за композиторот Маја Јовановска.

За категоријата Композиција за трио, стручната комисија додели четири награди: прва награда за „Minimal expectations“ (Минимални очекувања) на композиторот Ана Пандевска, прва награда за „The blur desert“ на композиторот Кокан Димушевски, втора награда за „Ora iacentem“ на Ангел Спировски и трета нагрда за „INITIALS“ на композиторот Гоце Гавриловски. Во категоријата Циклус соло-песни. Комисијата додели три награди: прва награда за „Пролетни кошмари“ Дамјан Темков, втора награда за „Циклус соло-песни“ на композиторот Филип Иванов и трета награда за „Happy Birthday“ (Среќен роденден) на Маријана Јаневска. Во категоријата Композиција за мелодиски инструмент, стручната комисија додели четири награди - прва награда за „Осцилации“ на Маријана Јаневска, втора награда за „FLAUTA LAMENTA“ на Љубомир Бранѓолица, трета награда за композицијата „10 минијатури“ на Никола Коларовски и трета награда за „Шест минијатури за соло труба“ на Дамјан Темков.

Во категоријата Композиција за хармонски инструменти, доделени се две награди: прва награда за композицијата „Imagine infinity“ на Ана Пандевска и втора награда за „Кафез 10“ на Тодор Трајчевски. За категоријата Композиција за мешан хор, доделени се три награди: прва награда за композицијата „Дај дуни дуни“ на Гоце Гавриловски, втора награда за „Слобода“ на Андреј Блажевски и трета награда за композицијата на композиторот Вања Николовски-Ѓумар. Во категоријата Композиција за квартет, доделени се две награди: прва награда за композицијата „Процес“ на композиторот Андреј Блажевски и втора награда за композицијата на композиторот Гоце Гавриловски.

Во категоријата Композиција за камерен состав од шест до девет инструменти, доделени се три награди: прва награда за Ана Пандевска, втора за Никола Димушевски и трета награда за Илија Илиевски. Во категоријата Композиција за инструментален солист и оркестар, стручната комисија додели две награди: прва награда за „Концерт за виолина и оркестар бр. 1“ на Филип Иванов и втора награда за „Концерт за труба и оркестар“ на Панде Шахов. Во категоријата Балет, доделена е една прва награда за „Кокино, балет во еден чин“ на композиторот Никола Димушевски.

Министерката за култура нагласи дека оваа мерка се спроведува од 2014 година и додаде оти досега се создадени вкупно 128 композиции од 41 македонски автор, за кои беа издвоени 15 милиони денари. Според неа, од огромна важност е што најголем дел од поддржаните композиции веќе се изведени пред македонската публика. Композиторот Кире Костов изрази благодарност до министерката и до ресорното министерство за поддршката и за разбирањето.

- Жалам што малку добивме дела од областа на џезот. Добивме прилично големо богатство на ноти и на материјали, кои допрва ќе ги слушнат нашите слушатели - рече Костов и додаде дека се работи за квалитетна музика која заслужува третман.

Премиера на „Мајстор Чинго“ - видеоомаж за Живко Чинго

zlvko_clngo_1

Во присуство на членови на семејството, пријатели, почитувачи на делото на Чинго, вчера во Кинотеката на Македонија се одржа премиера на видеоомажот за македонскиот романсиер и драмски писател Живко Чинго насловен „Мајстор Чинго“, во режија на Љубиша Георгиевски.

На настанот се обрати министерката за култура Елизабета Канческа-Милевска која истакна дека станува збор за документарен запис посветен на наследството кое големиот Чинго го остави на македонската култура и ги содржи сите важни биографски, библиографски и филмографски податоци и настани повзани со неговиот животен и творечки пат.

zlcko_clngo_2

- Живко Чинго е оригинална појава во македонската книжевност, тој е автор кој секогаш со секое препрочитување отвора нови слоеви во идеалите и пораките што ги пренесува неговата длабоко национална проза. Тој е автор кој зад себе остави една силна, потресна поетска историја на едно трауматично време. Како и сите големи писатели, со својот уметнички напишан збор Чинго ја заокружи епохата во која живееше, далеку пред падот на Берлинскиот ѕид и историјата на комунизмот. Со својата раскажувачка драматика, со длабокото идеолошко понирање во индивидуалните и колективни судбини на своите јунаци, овој мајстор на пишаниот збор остави трајни, длабоки траги во македонската култура и во позиционирањето на македонската книжевност во светски рамки - рече Канческа-Милевска.

Таа изрази надеж дека видеоомажот посветен на Чинго реализиран со поддршка од Министерството за култура и режиран од македонскиот бард Љубиша Георгиевски уште многу години ќе биде едно сеќавање на најдраматичните моменти од неговиот кус и творечки исполнет живот, моменти кои одбележаа една трагична судбина, слична на судбината на неговиот Кејтен од „Големата вода“, во потрагата по слободата на творештвото. Живко Чинго е автор на сценаријата за неколку играни и документарни филмови, како „Жед“ во режија на Димитрија Османли, „Поле“ и „Пчеларник“.

zlvko_clngo_3

Делата на Чинго се инспирација и за сценаријата на играните филмови „Татко - колнати сме Ирина“ во режија на Коле Ангеловски, „Големата вода“ во режија на Иво Трајков, како и ТВ-проектот „Заминувањето од Пасквелија“. Директорот на Кинотеката на Македонија Бошко Грујоски истакна дека нема сомневање оти Чинго остави белег во македонската кинематографија, а неговите раскази и драми и во иднина ќе послужат како сценаристичка подлошка на некои нови млади и талентирани филмски автори.

- Видеоомажот е резултат на напорот да се одбележи и овековечи животот на Чинго онака како што го паметат неговите најблиски - семејството, современиците, пријателите - рече Грујоски.

Сценариото за видеоомажот е на Сашо Миленковски избрано на конкурс, а продуцент е Петар Џуровски. Филмот наскоро ќе биде прикажан на МТВ и на другите национални телевизии.

Промовирани нови дела од едицијата „Македонски искушенија“

DSC_0068-002

Токму затоа, овие изданија имаат исклучително значење за нас и за идните генерации бидејќи преку нив ние ќе се стекнеме со многубројни сознанија за најзначајните појави и процеси во поновата историја на Македонија, за револуционерната и за духовната сила на нашите претходници во остварувањето на државотворните цели. 

Повеќе...

Средби на Канческа-Милевска во рамките на работната посета на Берлин

Naslovna_-_Germanija

Во рамките на посетата на Берлин, Канческа-Милевска, заедно со директорката на Агенцијата за филм на Република Македонија Мими Ѓоргоска-Илиевска, денеска оствари средба и со извршниот директор на европскиот фонд за копродукции Еуроимаж, Роберто Ола, на која беше истакнато присуството на македонската кинематографија на култниот Берлински филмски фестивал ...

Повеќе...

Завршија конзерваторско-реставраторските работи на црквата „Св. Ѓорѓи Победоносец“ во Младо Нагоричане

DSC_0103-003

На овој проект се работеше долги години. Во изминатиот период и денеска имаме можност да го видиме целосно завршен овој проект кој опфаќа неколку фази кога станува збор за непосредна заштита, конзервација и реставрација на архитектурата на црквата. Тука станува збор за конструктивна консолидација на самата црква ...

Повеќе...

Нови 15 дела поддржани за превод од странски издавачи

Stranski_izdavaci_1-005

Конкурсот за странските издавачи е, несомнено, еден од најпродуктивните проекти кои ги спроведовме во контекст на промоција и афирмација на македонската култура во меѓународни рамки. Не помалку важно е што Конкурсот силно ја трасираше промоцијата на творештвото не само на етаблираните туку и на младите македонски автори, кои на овој начин добија можност првпат да се презентираат надвор од нашата држава ...

Повеќе...

Промовирани 50 нови наслови од едицијата „Светско книжевно богатство“

Svetskko_knizevno_bogatstvo_640_-1

Ова е едиција која ги поврзува и ги обединува на едно место светските книжевни вредности кои низ децениите ги освоија најпрестижните книжевни награди, дела кои досега во најголем дел не беа преведени на македонски јазик и не ѝ беа достапни на нашата читателска јавност ...

Повеќе...

Премиера на анимираниот филм „Мајка Тереза - пет збора“

Majka_Tereza_640_-6

Анимираниот филм зборува за хуманата мисија на Мајка Тереза, за човечките доблести и високи вредности кои сите ние треба да ги почитуваме. Да си помагаме еден на друг, да шириме љубов, позитивна енергија и она што е највозвишено и вредно за секој од нас, за секој човек ...

Повеќе...

Фотогалерии

  • 0
  • 1
  • 2

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanecarheoloski-vesnik

exploring-macedonia

macefdrr     

 cultema_logo    msu_logo_mk