Новости

МНТ ја најавува премиерата на „Дух“

Во вторник (24 април), Македонскиот народен театар ќе ја изведе премиерата „Дух“, по текст на Дејан Дуковски, во режија на Срѓан Јаниќијевиќ. Ова е првата премиера од Годишната програма на МНТ, финансирана од Министерството за култура...

duh_plakat

Повеќе...

Комедија со „Жена ми се вика Борис“ гостува во Охрид

Театар Комедија ја, утре (21 април) ќе гостува во Народен театар- Охрид со хит претставата „Жена ми се вика Борис“, во режија на Синиша Евтимов ...

komedija_-_Ohrid

„Жена ми се вика Борис“, како што велат од Комедија,  ги ревидира моралните кодекси на однесување, а дејството во пиесата е адаптирано и локализирано во македонски контекст, каде ќе го препознаете менталитетот и стереотипите на современото живеење на семејствата на некои овдешни политичари и успешни бизнисмени.

Прељубата, лагата, интригата и страста се вонвременски теми, врз кои се градат заплетите во оваа комедија и  ќе ве држат со широка намесвка во текот на целата претстава.

Охридската публика во претставата  ќе може да ги види актерите: Сашо Ристовски, Роберт Ристов, Мими Поповска – Ристов, Ева Скендеровска, Жаклина Петровска, Столе Мицов и Александар Михајловски.

Шќипе Мехмети изложува во Софија

Во Културно-информативниот центар на Република Македонија во Софија во тек е изложбата „Женската фрагилност и или моќ“ на авторката Шќипе Мехмети ...

shkipe_i_nasev

Изложбата пред голем број публика во галеријата на КИЦ на РМ ја отвори директорот на Центарот, Сашко Насев. Ова претставување на младата уметница се состои од 22 графики работени во техниката сува игла.

Отварањето на изложбата помина во позитивна атмосфера со многу гости од уметничкиот и културниот свет на Софија, ликовни уметници од различни генерации, новинари, дипломати и други.

Изложбата „Споменици на Револуцијата“ на Марко Кројач во Кочани

Во Центарот за култура „Бели мугри" во Кочани утре (21 април) со почеток во 20 часот ќе биде отворена изложбата „Споменици на Револуцијата“ на слободниот уметник, активист, музичар, ди-џеј и хроничар, кој живее и работи во Берлин, Марко Кројач ...

30729747_10215242114381712_3610457488790388736_n

Неговата изложба на фотографии печатени во сито техника ги архивира партизанските споменици од бивша Југославија и покажува како се менувале културните сеќавања и концептите на идентитетот на балканските простори од Првата светска војна до денес.

Изложбата, чиј првичен фокус се спомениците во Македонија, нѐ  соочува со реалната состојба на овие ремек - дела, некои од нив реконфигурирани, напуштени или заборавени, но сѐ уште живи централни места на сеќавањата, историјата и комеморацијата. Таа отвора прашања, кои јасно ја покажуваат сложеноста на процесот во градењето на мирот на Балканот и поделбите поврзани со минатото, години после војни и насилство.

Марко Кројач, кој е дел од мултимедијалниот колектив „Центрифуга“ од Берлин каде активно музицира и работи со сито - печат, ќе ја промовира и својата книга “Залудградител“ работена на сито - печат, а на тема споменици на народната борба на просторите на бивша Југославија. Досега реализирал бројни изложби во Токио, Женева, Белград, Берлин, Париз и многу други градови во светот како самостоен уметник и архивар на споменичното културно наследство на некогашна Југославија.

Изложбата е во организација на „Задруга5060“ во соработка со локалната независна сцена со локалните самоуправи, како и со делумна поддршка на Министерството за култура. Оваа поставка досега беше прикажана во Штип, а по отворањето на изложбата во Кочани, ќе биде презентирана и во Прилеп, Битола, Струга и Крушево.

Со македонски филм, синоќа беше отворен 21. Скопје филм фестивал

Со премиера на играниот филм „Година на мајмунот“ по сценарио и режија на Владимир Блажевски и во продукција на „Панк филм“, синоќа во кино „Милениум“  се отвори  21. Скопје филм фестивал ...

skopje_film

На отворањето присуствуваше министерот за култура Роберт Алаѓозовски. Новиот филм на Блажевски „Година на мајмунот“ е црна комедија, копродукција меѓу Македонија, Србија, Словенија и Косово. Во главната улога е Игор Ангелов, а во актерската екипа се и: Марија Кон, Решит Береда, Рефет Абази, Тања Кочовска, Петер Елиот. Директор на фотографија е Димо Попов. Филмот се снимаше во 2016 година на  80-ина локации низ Македонија.
„Година на мајмунот“ ќе се прикажува во киносалите на „Синеплекс“, а светска премиера ќе има на 23 април на Московскиот меѓународен филмски фестивал.

skopje_film1

Во програмата Македонска продукција на 21. СФФ ќе бидат прикажани осум филмови, меѓу кои е вечерашнатапремиера на документарниот филм „Кобра“ во режија на Игор Иванов - Изи, како и „Види ја ти неа“ на Горан Столевски, кој освои награда за најдобар краток филм на фестивалот Санденс. Во Ретроспектива на Хичкок, пак се пет филма: „Заден прозорец“, „Психо“, „Ребека“, „Птици“ и „Туѓинци во воз“.

Во рамки на фестивалот ќе има и две работилници - режисерот на „Таксим холдем“, Мајкл Ондер, ќе одржи работилница за снимање нискобуџетен филм во Кинотека на Македонија, каде ќе има и средба со продуцентот на филмот, Јосеф Еревчик Амадо. Француските режисери Леа Мисиус и Кристоф Режин, пак, на 23 април на Универзитетот ЕФТА ќе одржат работилница: „Како се пишува, режира и продуцира прв игран филм“. Во кино „Фросина“ во понеделник ќе биде промовирана книгата „За засрамените геј мажи“.

Автор на плакатот за годинашното издание на фестивалот е младиот македонски дизајнер Ѓорѓи Десподов.

Надминат застојот, започнува втората фаза на изградба и внатрешно уредување на Турскиот театар

Министерот за култура Роберт Алаѓозовски денес оствари средба со делегација на Генералниот директорат на Државните театри на Република Турција, по што заедно со генералниот директор Мустафа Курт и министерот без ресор во Владата на Република Македонија Аднан Ќахил го посетија објектот на НУ Турски театар, којшто влегува во втора фаза на внатрешно уредување и техничко опремување што ќе се реализира во соработка со Генералниот Директорат на државните театри на Република Турција...

press_turski_teatar_19_april_2018_naslovna

Повеќе...

Започнува 21 Скопски филмски фестивал

Со премиера на новиот македонски игран филм „Година на мајмунот“ во режија и по сценарио на Владимир Блажевски, а во продукција на „Панк филм“, денеска, 19 април, со почеток во 20 часот во киното „Милениум“, започнува 21 издание на Скопскиот филмски фестивал ...

SKOPJE-FILM-FESTIVAL

Филмот „Година на мајмунот“  е работен во копродукција помеѓу Македонија, Србија, Словенија и Косово. Директор на фотографија е Димо Попов, а главните улоги ги толкуваат Игор Ангелов, Марија Кон, Решит Береда, Рефет Абази, Тања Кочовска и Петер Елиот. Станува  збор за црна комедија во која во фокусот е бегството на шимпанзото Коко од Зоолошката градина, како што велат од екипата: „Од ропство во слобода“.
Godina_na_majmunot
Во рамките на Скопскиот филмски од денеска  до 26 април на три локации - кината „Милениум“ и „Фросина“ и Кинотека на Македонија, во седум програмски целини: Авторски филм, Панорама на светски филм, Македонска продукција, Фокус на француски филм, Програма на европски филм, Квир фокус и Ретроспектива на Хичкок, љубителите на филмската уметност ќе имаат можност да проследат повеќе од 50 филмски остварувања, повеќе работилници, гостувања на нови европски филмски имиња, промоции и дискусии.

Изложбата „Сè што ни е заедничко“ отворена во МСУ, Лазовски: Скопје - обединувачки центар на регионот

Синоќа во Музејот на современа уметност - Скопје, се отвори изложбата  „Сè што ни е заедничко“, кураторски проект на Мира Гаќина и Јованка Попова, во кој учествуваат 18 врвни уметници од Југоисточна Европа. Заменик - министерот за култура на Република Македонија, Владимир Лазовски на отворањето истакна дека Скопје станува иновативен и обединувачки центар за регионот...
otvoranje_msu_se_sto_ni_e_zaednicko_izlozba_18_april_2018_lazovski_naslovna

Повеќе...

Полна сала за премиерата на филмот „Враќање“ на Кастриот Абдули

Македонско-косовската копродукција „Враќање“ во режија на Кастриот Абдули, синоќа во преполната сала на киното Синеплекс во Скопје ја имаше својата македонска и светска премиера...

vrakjanje_plakat

Повеќе...

„Партија реми“ - премиера на Драмски театар

На сцената на Драмскиот театар, утре 20 април, со почеток во 20 часот премиерно ќе биде изведена претставата „Партија реми“...

Partija_Remi

Претставата е работена според драмски текст на американскиот автор Доналд Ли Кобурн, кој за него добил Пулицерова награда во 1978 година, во режија на Виолета Џолева.

Во претставата за која сценографијата ја изработи  Доротеа Ѓорѓиевска, настапуваат актерите Маја Вељковиќ-Пановска и Ѓокица Лукаровски - кој со „Партија реми“ одбележува 40 години актерска кариера. Тие играат човек и жена во дом за стари лица кои преку играњето карти се запознаваат и си ги раскажуваат животите.

Според режисерката Џолева станува збор за текст кој е едноставен, но суптилен и со длабока филозофија за животот и порака дека секој ден ни носи ново делење на картите.

 

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanec

exploring-macedonia