Во Кинотеката на Република Северна Македонија на 30 и 31 октомври ќе се одржи научен симпозиум на тема: „Чехов на сцените во Македонија 1945 – 2020“ во организација на д-р Нелко Нелковски, режисер и театролог. Целта на симпозиумот е да го истражи присуството на сценските уметнички дела подготвени според делата на овој автор, да ги интерпретира и да го истражи нивното влијание врз вкупната сценска уметност во нашата земја.
Симпозиумот ќе се одржува комбинирано, во живо во Кинотеката на РСМ и онлајн, и на него ќе учествуваат еминентни истражувачи од нашата земја и од регионот. Симпозиумот се реализира со поддршка од Министерството за култура.